ކަންގަތި އެވޯޑް ދިނުމުގެ ރަސްމިއްޔާތު ރައީސުލްޖުމްހޫރިއްޔާ ޝަރަފުވެރިކޮއްދެއްވައިފި

ލޯކަލް ކައުންސިލް ޕާފޯމެންސް އިންޑެކްސުން މަތީ ވަނަތަށް ޙާޞިލް ކުރާ ކައުންސިލްތަކަށް ދެމުންދާ ކަންގަތި އެވޯޑް ދިނުމުގެ ރަސްމިއްޔާތު 2023 ޑިސެމްބަރ 20 ވީ ބުދަ ދުވަހުގެ ރޭ ބާއްވައިފިއެވެ. މި ރަސްމިއްޔާތު ހާއްސަ ކުރެވިފައިވަނީ 2021 އަދި 2022 ވަނަ އަހަރުގެ ކަންގަތި އެވޯޑް ދިނުމަށެވެ. ދަރުބާރުގޭގައި ކުރިޔަށްގެންދެވުނު މިރަސްމިއްޔާތުގައި ދވެހިރާއްޖޭގެ ރައީސުލްޖުމްހޫރިއްޔާގެ ޑރ މުޙައްމަދު މުޢިއްޒު ޝަރަފުވެރިކޮއްދެއްވި މި ރަސްމިއްޔާތުގައި ދިވެހިރާއްޖޭގެ ރައީސުލްޖުމްހޫރިއްޔާގެ ނައިބު، އަލްއުސްތާޛު ޙުސައިން މުޙައްމަދު ލަޠީފާއި، ދައުލަތުގެ ވަޒީރުން، ރައްޔިތުންގެ މަޖިލީހުގެ އިއްޒަތްތެރި މެމްބަރުން، ބޭރުގައުމުތަކުގެ ސަފީރުން، އޮތޯރިޓީގެ ބޯޑުގެ މެންބަރުން، ސިޓީ ކައުންސިލްތަކުގެ މޭޔަރުން، އަތޮޅު އަދި ރަށު ކައުންސިލްތަކުގެ ރައީސުން، ކައުންސިލްތަކުގެ އިސްވެރިންނާއި މި އޮތޯރިޓީގެ މުވައްޒަފުން ބައިވެރިވެފައިވެއެވެ.

ކަންގަތި އެވޯޑް ދިނުމުގައި ބަލާ މިންގަޑު، ލޯކަލް ޕާރފޯމަންސް އިންޑެކްސް އަކީ ކައުންސިލްތަކުން ކުރާ މަސައްކަތްތަކުގެ ފެންވަރު ވަޒަންކުރުމަށް 2015 ވަނަ އަހަރު އިފްތިތާޙު ކޮށްފައިވާ ހާއްސަ އިންޑެކްސެކެވެ. އެގޮތުން ލޯކަލް ކައުންސިލްސް ޕާރފޯމަންސް އިންޑެކްސްގެ އެހީގައި ލާމަރުކަޒީ ޤާނޫނުން އުފެދިފައިވާ ރަށުކައުންސިލްތަކާއިއަތޮޅުކައުންސިލްތައް މިންކޮށް ވަޒަންކުރަމުންދެވެއެވެ. އަދި މިއިންޑެކްސް ބޭނުންކޮށް އަހަރަކު އެއްފަހަރު ރަށު ކައުންސިލްތަކާއި އަތޮޅު ކައުންސިލްތަކުގެ ޕަރފޯމަންސް މޮނިޓަރކޮށް ރޭންކް ކުރެވެމުންދެއެވެ. މީ ގެ އިތުރުން ލާމަރުކަޒީ ނިޒާމު ހަރުދަނާ ކުރުމުގެ ގޮތުން، ސަރުކާރުން ލާމަރުކަޒީ ޤާނޫނަށް ގެނައި އިޞްލާހުތަކާއެކު، ކައުންސިލްސް ޕަރފޯމަންސް މިންކުރުމުގައި ޢަމަލުކުރަމުން ގެންދާ ގޮތް މުރާޖާ ކުރުމުގެ މަސައްކަތް މިހާރު ދަނީ ކުރެވެމުންނެވެ. މި މަސައްކަތް ނިމުމުން، އަންނަ އަހަރު ރަށު އަދި އަތޮޅު ކައުންސިލްތަކެކޭ އެއްގޮތަށް ސިޓީ ކައުންސިލްތަކުގެ ޕާރފޯމަންސް މިންކުރުމުގެ މަސައްކަތްވެސް ފެށިގެން ދާނެއެވެ.

2021 އަދި 2022 ވަނަ އަހަރުގެ ޕާފޯމެންސް އިންޑެކްސުން ސަބް އިންޑެކްސްތަކުން ވަނަވަނައަށް އައިސްފައިވާ ކައުންސިލްތަކަށް ދެވޭ މާރާދަ ހަނދާނީ ފިލާ އާއި ފާއިތުވެދިޔަ އަހަރުގެ ރޭންކިންއާ އަޅާބަލާއިރު އެންމެ ބޮޑު ކުރިއެރުމެއް ހޯދި އަތޮޅު އަދި ރަށު ކައުންސިލަށް ދެވޭ ކާންނާ ހަނދާނީ ހަވާލުކޮށްދެއްވީ ރައީސުލްޖުމްހޫރިއްޔާގެ ނައިބު އަލްއުސްތާޛު ޙުސައިން މުޙައްމަދު ލަޠީފެވެ.

އަދި 2022 ވަނަ އަހަރުގެ ޕާފޯމެންސް އިންޑެކްސްގެ ރޭކިންއަށް ބަލައި އަތޮޅު ކައުންސިލުތަކަށް ދެވޭ ގަދަހަމާންތި ދަރަޖައާއި، ރަށު ކައުންސިލުތަކަށް ދެވޭ އަދި ރަނަހަމާންތި ދަރަޖައިގެ ވަނަ، ވަނަ އަދި ވަނަ އަށް ދެވޭ ކަންގަތި އެވޯޑާއި، 2021 އަދި 2022 ވަނަ އަހަރު ލާމަރުކަޒީ ނިޒާމު ހަރުދަނާކޮށް، ހެޔޮ ހިންގުމުގެ އަސާސްތައް ކުރިއަރުވައި، ނަމޫނާ ރަށްވެހި ޚިދުމަތްތަކެއް ރައްޔިތުންނަށް ފޯރުކޮށްދީފައިވާތީ، ސިޓީ ކައުންސިލަށް ދެވޭ ހިރިހަމާންތި އެވޯޑް ހަވާލުކޮށްދެއްވީ މި ރަސްމިއްޔާތުގެ ޝަރަފުވެރި މެޙެމާން ދިވެހިރާއްޖޭގެ ރައީސުލްޖުމްހޫރިއްޔާގެ ޑރ މުޙައްމަދު މުޢިއްޒުއެވެ. މީގެ އިތުރުން މި ރަސްމިއްޔާތުގައި ލޯކަލް ކައުންސިލްސް ޕަރފޯމަންސް އިންޑެކްސް 2021 އަދި 2022 ގެ ނަތީޖާ ފޮތް ޝަރަފުވެރި މެޙެމާން ދިވެހިރާއްޖޭގެ ރައީސުލްޖުމްހޫރިއްޔާގެ ޑރ މުޙައްމަދު މުޢިއްޒު ނެރެދެއްވިއެވެ.

 

2021 އަދި 2022 ވަނަ އަހަރުގެ ލޯކަލް ކައުންސިލް ޕާރފޯނަންސް އިންޑެކްސްއިން ވަނަތައް ޙާސިލްކޮށްފައިވާ ކައުންސިލަތައް

ލޯކަލް ކައުންސިލް ޕާފޯމަންސް އިންޑެކްސްއިން އެންމެ މަތީ ދަރަޖަ ހޯދައިގެން ގަދަހަމާންތި އިއްޒަތް ހާޞިލްކުރާ އަތޮޅު ކައުންސިލްތައް

2021           

މިލަދުންމަޑުލު އުތުރުބުރި އަތޮޅު ކައުންސިލް	ފުރަތަމަ ދަރަޖަ
ނިލަންދެއަތޮޅު އުތުރުބުރީ އަތޮޅު ކައުންސިލް	ދެވަނަ ދަރަޖަ
ހައްދުންމަތީ އަތޮޅު ކައުންސިލް	ތިންވަނަ ދަރަޖަ

2022

ނިލަންދެއަތޮޅު އުތުރުބުރި އަތޮޅު ކައުންސިލް	ފުރަތަމަ ދަރަޖަ
މާޅޮސްމަޑުލު ދެކުނުބުރީ އަތޮޅު ކައުންސިލް	ދެވަނަ ދަރަޖަ
ހައްދުންމަތީ އަތޮޅު ކައުންސިލް	ތިންވަނަ ދަރަޖަ

 

ލޯކަލް ކައުންސިލް ޕާފޯމަންސް އިންޑެކްސްއިން އެންމެ މަތީ ދަރަޖަ ހޯދައިގެން ރަނަހަމާންތި އިއްޒަތް ހާޞިލްކުރާ ރަށު ކައުންސިލްތައް

2021           

އަރިއަތޮޅު އުތުރުބުރީ ބޮޑުފޮޅުދޫ ކައުންސިލް	ފުރަތަމަ ދަރަޖަ
މާޅޮސްމަޑުލު ދެކުނުބުރީ ފެހެންދޫ ކައުންސިލް	ދެވަނަ ދަރަޖަ
ތިލަދުންމަތީ އުތުރުބުރީ  ތުރާކުނު ކައުންސިލް	ތިންވަނަ ދަރަޖަ

2022

އަރިއަތޮޅު އުތުރުބުރީ ބޮޑުފޮޅުދޫ ކައުންސިލް	ފުރަތަމަ ދަރަޖަ
މާޅޮސްމަޑުލު ދެކުނުބުރީ ފެހެންދޫ ކައުންސިލް	ދެވަނަ ދަރަޖަ
އަރިއަތޮޅު އުތުރުބުރީ ފެރިދޫ ކައުންސިލް	ތިންވަނަ ދަރަޖަ

 

ލޯކަލް ކައުންސިލް ޕާފޯމަންސް އިންޑެކްސްގެ ސަބްއިންޑެކްސްތަކުގެ ބައިން އެންމެ މަތީ ދަރަޖަ ހޯދައިގެން މާރާދަ ހަނދާނީ ފިލާ ހާޞިލްކުރާ އަތޮޅު އަދި ރަށުކައުންސިލްތައް

 

ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ޤާނޫނަށް ޢަމަލުކުރާ މިންވަރު ދައްކުވަދޭ އިންޑެކްސް

2021           

ތިލަދުންމަތީ އުތުރުބުރި އަތޮޅު ކައުންސިލް	1	އަތޮޅު ކައުންސިލް
ފާދިއްޕޮޅު ކުރެންދޫ ކައުންސިލް	1	ރަށު ކައުންސިލް

2022

ތިލަދުންމަތީ އުތުރުބުރި އަތޮޅު ކައުންސިލް	1	އަތޮޅު ކައުންސިލް
މުލަކުއަތޮޅު ކޮޅުފުށީ ކައުންސިލްގެ އިދާރާ	1	ރަށު ކައުންސިލް

 

އިފެކްޓިވްނަސް އިންޑެކްސް

2021           

މިލަދުންމަޑުލު އުތުރުބުރި އަތޮޅު ކައުންސިލް	1	އަތޮޅު ކައުންސިލް
މާޅޮސްމަޑުލު ދެކުނުބުރީ ފެހެންދޫ ކައުންސިލް	1	ރަށު ކައުންސިލް

2022

ނިލަންދެއަތޮޅު އުތުރުބުރީ އަތޮޅު ކައުންސިލް	1	އަތޮޅު ކައުންސިލް
އަރިއަތޮޅު އުތުރުބުރީ ބޮޑުފޮޅުދޫ ކައުންސިލް	1	ރަށު ކައުންސިލް

 

ޕާރޓިސިޕޭޝަން އިންޑެކްސް

2021           

ނިލަންދެއަތޮޅު އުތުރުބުރީ އަތޮޅު ކައުންސިލް	1	އަތޮޅު ކައުންސިލް
އަރިއަތޮޅު އުތުރުބުރީ ބޮޑުފޮޅުދޫ ކައުންސިލް	1	ރަށު ކައުންސިލް

2022

މިލަދުންމަޑުލު އުތުރުބުރީ އަތޮޅު ކައުންސިލް	1	އަތޮޅު ކައުންސިލް
އަރިއަތޮޅު އުތުރުބުރީ ބޮޑުފޮޅުދޫ ކައުންސިލް	1	ރަށު ކައުންސިލް

 

އެކައުންޓަބިލިޓީ އިންޑެކްސް

2021           

މިލަދުންމަޑުލު އުތުރުބުރި އަތޮޅު ކައުންސިލް	1	އަތޮޅު ކައުންސިލް
ކޮޅުމަޑުލު ބުރުނީ ކައުންސިލް	1	ރަށު ކައުންސިލް

2022

މިލަދުންމަޑުލު އުތުރުބުރި އަތޮޅު ކައުންސިލް	1	އަތޮޅު ކައުންސިލް
އަރިއަތޮޅު އުތުރުބުރީ ބޮޑުފޮޅުދޫ ކައުންސިލް	1	ރަށު ކައުންސިލް

ސެކިއުރުޓީ އިންޑެކްސް

2021           

މިލަދުންމަޑުލު ދެކުނުބުރީ އަތޮޅު ކައުންސިލް	1	އަތޮޅު ކައުންސިލް
މާޅޮސްމަޑުލު އުތުރުބުރީ ހުޅުދުއްފާރު ކައުންސިލް	1	ރަށު ކައުންސިލް

2022

ނިލަންދެއަތޮޅު އުތުރުބުރީ އަތޮޅު ކައުންސިލް	1	އަތޮޅު ކައުންސިލް
އަރިއަތޮޅު އުތުރުބުރީ ބޮޑުފޮޅުދޫ ކައުންސިލް	1	ރަށު ކައުންސިލް

 

ލޯކަލް ކައުންސިލް ޕާފޯމަންސް އިންޑެކްސްގެ ކުރީ އަހަރުގެ ނަތީޖާއާއި އަޅާބަލާއިރު އެންމެބޮޑު ކުރިއެރުމެއް ހޯދައިގެން ކާންނާ ހަނދާނީ ފިލާ ހާޞިލްކުރާ އަތޮޅު އަދި ރަށު ކައުންސިލް

2021           

މިލަދުންމަޑުލު އުތުރުބުރި އަތޮޅު ކައުންސިލް	1	އަތޮޅު ކައުންސިލް
މާޅޮސްމަޑުލު ދެކުނުބުރީ ކަމަދޫ ކައުންސިލް	1	ރަށު ކައުންސިލް

2022           

މާޅޮސްމަޑުލު ދެކުނުބުރީ އަތޮޅު ކައުންސިލް	1	އަތޮޅު ކައުންސިލް
މިލަދުންމަޑުލު އުތުރުބުރީ ނޫމަރާ ކައުންސިލް	1	ރަށު ކައުންސިލް

 

---