"ކެޕޭސިޓީ ބިލްޑިންގ އެންޑް ޓްރެއިނިންގ އޮފް މެމްބަރސް އޮފް ލޯކަލް ކައުންސިލްސް އެންޑް ވިމެންސް ޑިވެލޮޕްމަންޓް ކޮމިޓީ އެންޑް ސްޓާފް އޮފް ލޯކަލް ގަވަރމަންޓް އޮތޯރިޓީ" ތަމްރީން ޕްރޮގްރާމުގެ 5 ވަނަ ބެޗް އިންޑިއާގައި ކުރިއަށް ގެންގޮސްފި!

ލޯކަލް ކައުންސިލްތަކާއި، އަންހެނުންގެ ތަރައްޤީއަށް މަސައްކަތްކުރާ ކޮމިޓީތައް އަދި ލޯކަލް ގަވަރމަންޓް އޮތޯރިޓީގެ މުވައްޒަފުންގެ ފަންނީ ޤާބިލްކަން ކުރިއެރުވުމަށާއި، ހުނަރު ތަރައްޤީކުރުމުގެ މަޤްސަދުގައި މި އޮތޯރިޓީއާއި އިންޑިއާގެ ނޭޝަނަލް އިންސްޓިޓިއުޓް އޮފް ރޫރަލް ޑިވެލޮޕްމަންޓް އެންޑް ޕަންޗަޔާތީ ރާޖް (އެން.އައި.އާރ.ޑީ. އެންޑް ޕީ.އާރ) ގުޅިގެން ކުރިޔަށް ގެންދާ "ކެޕޭސިޓީ ބިލްޑިންގ އެންޑް ޓްރެއިނިންގ އޮފް މެމްބަރސް އޮފް ލޯކަލް ކައުންސިލްސް އެންޑް ވިމެންސް ޑިވެލޮޕްމަންޓް ކޮމިޓީ އެންޑް ސްޓާފް އޮފް ލޯކަލް ގަވަރމަންޓް އޮތޯރިޓީ" ތަމްރީން ޕްރޮގްރާމުގެ 5 ވަނަ ބެޗްކަމުގައިވާ "ލީޑަރޝިޕް ޑިވެލޮޕްމަންޓް ފޮރ ލޯކަލް އިލެކްޓެޑް ރިޕްރެޒެންޓޭޓިވްސް – ސިޓީ ކައުންސިލް" ކުރިއަށް ގެންގޮސްފިއެވެ. މި ތަމްރީން ޕްރޮގްރާމް ކުރިއަށް ގެންގޮސްފައިވަނީ 2024 ޖޫން 9 އިން 22 އަށް އިންޑިއާގެ ހައިދަރުއާބާދުގައެވެ. 

މި ފަހަރުގެ ބެޗް އަމާޒުކޮށްފައިވަނީ ސިޓީ ކައުންސިލްތަކުގެ މެންބަރުންނަށާއި އަދި ސިޓީތަކުގެ އަންހެނުންގެ ތަރައްޤީއަށް މަސައްކަތްކުރާ ކޮމިޓީ މެންބަރުންނަށެވެ. އެގޮތުން ސިޓީ ކައުންސިލްތަކުން ޖުމުލަ 29 ބައިވެރިންނާއި އަދި ލޯކަލް ގަވަރމަންޓް އޮތޯރިޓީން 1 މުވައްޒަފަކު މި ޕްރޮގްރާމްގައި ބައިވެރިވެ ތަމްރީނު ފުރިހަމަކޮށްފައިވެއެވެ.

މިފަހަރުގެ ޕްރޮގްރާމްގައި އިންޑިއާގައި ލާމަރުކަޒީ ނިޒާމު ހިނގަމުންދާގޮތާއި، ދެމެހެއްޓިނިވި ތަރައްޤީގެ ލަނޑުދަނޑިތައް ހާސިލުކުރުމުގައި ސިޓީ ފެންވަރުގައި ކުރަންޖެހޭ މަސައްކަތްތަކާއި، ލީޑާޝިޕާއި، އިންޑިއާގެ ލޯކަލް އިކޮނޮމިކް ޑިވެލޮޕްމަންޓްގެ ކަންކަން ހިނގަމުންދާގޮތާއި އަދި އެކަންކަން ދިވެހިރާއްޖޭގައި ކުރެވިދާނެގޮތްތަކާއި، ޖީ.އައި.އެސް ބޭސްޑް ލޭންޑް ޔޫޒް ޕްލޭނިންގ އާއި، ސޯލާ ޓެކްނޮލޮޖީ އާއި، ކުނި މެނޭޖްކުރުމާއި، ތިމާވެއްޓާއި މޫސުމީ ބަދަލުތަކަށް ރިއާޔަތްކޮށް ތަރައްޤީގެ ކަންކަން ބައްޓަންކުރުމާއި ގުޅޭގޮތުން މައުލޫމާތުދެވި ރާއްޖޭގައި މިކަންކަން ކުރެވޭނެ ގޮތްތަކާއި ގުޅޭގޮތުން މައުލޫމާތުދެވިފައިވެއެވެ. މީގެއިތުރުން، ދެންނެވުނު ދާއިރާތަކުން އިންޑިއާގައި މަސައްކަތްތައް ކުރަމުންދާގޮތާއި އަދި މި ކަންކަން ތަޖުރިބާކުރުމުގެ ގޮތުން ސައިޓް ވިޒިޓްތައްވެސް މި ޕްރޮގްރާމްގައި ހިމެނިފައިވެއެވެ.